tum aagye two line sad shayari

Tum ko bhula rahi thi ki tum yaad aa gae
Mai zahr kha rahi thi ki tum yaad aa gae

Kal meri ek pyari saheli kitab mein

Ek Khat chhupa rahi thi ki tum yaad aa gae

Us waqt raat-rani mere sune sahn me
Khushbu luta rahi thi ki tum yaad aa gae

Iman jaaniye ki ise kufr jaaniye
Mai sar jhuka rahi thi ki tum yaad aa gae

Kal sham chhat pe mir-taqi-‘mir’ ki ghazal
mai gunguna rahi thi ki tum yaad aa gae

‘Anjum’ tumhaara shahr jidhar hai usi taraf
ek rail ja rahi thi ki tum yaad aa gae